سألني صديقي اللبناني ديمتري خضر عن مقابر أسرتي
لا أعرف المناسبة لهذا السؤال
كانت زوجته سنتيا تقود السيارة ذات الدفع الرباعي بمهارة بينما في الخلف تنام الصغيرة مدى في حضني
أجبته بأن مقبرتنا في الإسكندرية
قال ديمتري : إذن أنت ستدفن في الإسكندرية.. ثم استطرد .. كلنا حنموت
أيا كان المكان الذي سندفن فيه
في المساء قرأت مدونة شيماء/ أو شيكو التي رحلت
http://shikoonline.blogspot.com/
والتي تحولت مدونتها بعد أن نشر شقيقها خبر وفاتها إلى ساحة للعزاء
لا أملك إلا نشر كلمات شيماء الأخيرة
في السابع والعشرين من مايو2007 !ا
حقيقى وحشتونى جداااااا
ومش عارفه هتوحشونى لحد امتى
لكن كل اللى متأكده منه انى محتاجه دعواتكم
التجربه الصحيه اللى بمر بها مش بسيطه
اذا ربنا كتب لى الشفاء منها هاحكى لكم عنها بالتفصيل
تحياتى لكم كلكم
واكتب تعليقي عليها
من قال كلمة فقد عاش إلى أبد الأبدين
عاشت كلماتك وعاشت أحاسيسك
لم يمهلك القدر لتحكي لنا ولكننا كنا هنا
لنشهد على مرورك بجوارنا
عاشت الكلمة
عاشت شيماء
كتبت شيماء في تعليق لها على تاج أرسل إليها
ايه اللي هيحصل لايميلك لما تموت؟ ؟
سؤال وجيه فى الحقيقه مش بس ايميلى انا مشتركه فى منتديات النت كلها تقريبا واوصيت بان يتعمل نعى فيها وفى البلوج والدعاء لى بالرحمه
اديت الباسوورد لحد قبل كدة؟لو اه كانت طبيعة علاقتك بيه ايه؟
اديت الباسورد بتاعى لاختى وصديقتى عشان تقوم باللازم لما يفتكرنى رب كريم
اسمك ؟
اسمى شيماء
اسم الدلع المشهور وسط أصحابك؟
شيكو،هاميس هو اسمى الحركىعمرك ؟ولو ان السؤال ده كل البنات بتهرب منه انا بحب اقول عمرى من غير ما اتسأل انا عندى 28 سنه صغيره مش كده
لا تسألني يا ديمتري في أي قبر دفنت شيماء
لأن كلماتها ستعيش هنا
