النهاردة كملت 37 سنة
يالهووووي ، ولسه عايش ؟؟!ا
سنة فاتت والتانية جاية
وطب وإيه يعني
كل سنة وأنت مكمل
أنت بتكبر ، وبهاء وفارس بيكبروا كمان
اليوم الأخير في السنة القديمة غرائبي كالعادة ابتداء من رفض موظفة المرور قبول الدوسيه الخاص بتجديد رخصة السيارة لأنه ناقص سلكة ولا مؤاخذة ، بس ربنا ستر في وجود الصديق علاء قوقة بالصدفة في الشباك المجاوروكان في
حوزته سلكة زيادة منحني إياها !!ا
وانتهاءا بعامل الأمن بالبناية التي أسكن بها والذي أستيقظ من نومه وسألني أنت طالع شقة كام ، فقلت له صح النوم !!ا
بالمناسبة أمضيت الأسبوع الماضي منذ عودتي إلى مصر في تجديد رخصة السيارة .. عمار يا مصر !!ا
اختبئت داخل منزلي ولم اتناول الإفطار خارج منزلي سوى مرتين أحدهم في الجيزويت مع الأب وليم سيدهم وأسرة الجيزويت والثانية في أبو رواش مع الحاج نصرطلبة أكبر صائد للثعابين والزواحف في بر المحروسة
في الأمسيات استمتعت بصحبة كريم وشذا ووليد ويقين وبسام وميسان في مقاهي وسط البلد
مر عام لينتقص عام آخر من العد التنازلي
حينما أفكر في العام الماضي اليوم بعد إنقضائه أجدني فخور جدا بتجربة مدرسة السينما في الجيزويت وسعيد بدخولي
عالم التدوين وتعرفي على أصدقاء جدد
متشوق لتجربة الفيلم الروائي الطويل التي باتت على الأبواب
أقر أنني 100 % حي
مازلت أمارس جنوني وعشقي وهوايتي ومهنتي وأسفاري
مازلت أصنع الأفلام
وأعشق الجميلات
وأحمل جعبتي
وأرتحل
20 comments:
كل سنة وانت طيب يا احمد
وعقبال ما نسمع عنك كل الاخبار المفرحة
;)
كل سنة و انت طيب يا باشا
ربنا يجعلك في كل خطوة فيلين و بوتومبا
ازيك
فينك
الله الله
انا جايه اقول عيد سعيد
الاقى عيد ميلاد مش عامله حسابى
:)
عموما اتنين فى واحد
كل سنه وانت طيب و
عيــــد سعيــــــد
كل عام وأنت بخير
ومادمت لاتزال عاشق للجميلات، فأنت في عز شبابك
:)
خالص تمنياتي
كل سنة وانت طيب .. بس انت قاهرى ولا سكندرى ؟؟ مكتوب فى البروفايل انك قاهرى .. وفى البوست اللى اسمه جزاء كنت بتتكلم عن العمارات القديمة اللى جنب سان مارك .. يعنى فى اسكندرية !! انت منين بالظبط ؟؟
كل سنة و انت مكمل يا باشا
و حمد الله ع السلامة
كل سنه وانت مكمل يا اجمل رشوان
خليك بقى كده معانا علشان نكمل افلامنا على خير
وهنفضل نلف على القهاوى ونضحك وترجعلك ضحكتك الفضيحه
جمال الحياة في مصر في شكل المواقف اللي حكيت عنها
ماتلاقيهاش في اي حتة تانية
كل سنة وانت طيب وقريب نهنيك في الكلوب فورتي
كل سنه وانت طيب
وادعيلي يا أحمد
حاسه إنى بموت
هلا
عودا حميدا
كل سنة وانت طيب تزيد فى عمرك سنة جديدة املاها افلام يبقى زادت سنة خبرة خد الناحية الايجابية من فضلك علشان الموضوع ده بيقتلنا احنا اهل كوكب الزهرة
افهم من كده ان الفيلم الجديد ليه علاقة بصيد التعابين ولادى علاقة عابرة
دايما بالتوفيق
كل سنه و انت طيب ... اجمل احلامنا لم تأت بعد و اجمل اغانينا لم نسمعها بعد ... و ها نحن نعيش علي امل ان تأتي ...
انتوك
happy birthday
ولو انها متأخره حبتين
كل سنه وانت مكمل
والعمر كله وانت طيب
جات متأخرة
كل سنة وانت طيب
وعقبال تسعة وتسعين سنة ونص
المية كتير
حتبقا عجوز اوى
فين التورتة؟؟
والكنافة؟ وكدة يعنى
كل سنة وانت طيب
ومبدع
فى انتظار الروائى الطويل
ههريك نقد
:)
متاخرة كتير.. بس المهم اقوللك كل سنة وانت طيب
ولسه عايش وقادر تستمتع بالتفاصيل
لست أدري
أشكرك جدا يا عزيزتي وأحيكي على صلابتك ودورك في الحملة ضد التحرش
شينج ديستني
ميرسي يا ست ندا على الأفيال والصور والسمك !! إسكندرية دايما لها طعم تاني
مورجين
أنا موجود ، تحت النظر ، وأنتي طيبة يا ستي مرتين كمان، بالمناسبةأعجبتني العصفورة
وايت وينجز
الشباب لا يقاس بمرور السنوات، عبارة نردده كلما تقدم بنا العمر :))
إيماتشر
أنا إسكندراني وأعيش في القاهرة منذ عام 90 ، ولكنني مازلت حريص على زيارة إسكندرية كلما سنحت الظروف
سولو
وانت طيب يا شريف ، سعدت برؤيتك في إسكندرية ، في انتظار رؤية الفيلم
صحاب
طيب يا بسام ، حنشوف حتعمل الواجب اللي عليك ولا لأ المرة دي ؟؟! التصور المكتوب يوصل يوم 21 نوفمبر ، ماشي ؟؟ا
أحمد شقير
مش موافق الحقيقة على أنها مواقف جميلة ، إحنا بس بنحولها لنكتة ونضحك عليها تفاديا للإصابة بالضغط والسكر ، عضوية الكلوب فورتي جاية جاية ملهاش حل ، بدون رسوم عضوية ولا تبرعات ولا حتى استمارة)ا
غادة الكاميليا
ميرسي يا غادة ، واتمنى أن تنتهي هذه الحالة قريبا وتتغلبين عليها بفضل إرادتك
توتا
الحل فعلا هو التمسك بالناحية الإيجابية في مسألة تقدم العمر مثل إكتساب الخبرة الإنسانية والعملية ، علاقتي بعم طلبة علاقة إنسانية ، ولكن ربما يظهر هذا الخط في عمل لاحق
كراكيب
نعيش على الأحلام ، ولكن بالنسبة لي التراكم عامل مهم يا عزيزي ، تحقق الأحلام مرتبط بماذا فعلت لكي أتمكن من تحقيقها
نيلا
وأنتي طيبة ، مش متأخرة ولا حاجة
حنين
وأنتي طيبة وتخطين بوثوق في شارعك الطويل
شهروزة
100 مش كتير
100% حي !!ا
التورتة نأجلها لحد ما أرجع تاني من دبي !!ا
حلم
وأنتي طيبة
خلاص قربنا فاضل على الحلو زقة !!ا
مرحبا بنقدك طبعا ، بس يتعمل الفيلم
ساسو
وأنتي طيبة ومستمتعة بحياتك وتفاصيك
ولو انها متأخره شويه
لكن ممكن اقولها ؟؟
كل عام وانت بخير
happy balted birthday
what a coincidence,i was born in that day too :):)
ليال
كل تأخيرة وفيها خيرة !!ا
وأنتي طيبة يا ستي
ضحى
كل سنة وأنتي طيبة كمان
فعلا صدفة عجيبة
Post a Comment