علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي
****
شريف الغمراوي وماريا يجريان بمحاذاة البحر
زكي يصعد الجبل وفي يده الكاميرا وأنا خلفه ببضعة أمتار لنلتقطهما من أعلى الجبل
فجأة .. يرتطم قدمي الأيمن الحافي بصخرة
أوووووبس
جرح سطحي طوله 3 سم تقريبا
طول عمري أخاف من منظر الدم
اكتشفت ذلك منذ سن مبكر حينما ذهبت برفقة أمي وأنا في الثامنة لمعمل التحاليل الطبية وبمجرد أن غرست سن الأبرة وخرجت محملة بالسائل الأحمر سقطت على الأرض ماذا سأفعل الآن ؟؟
سأتمدد على الأرض وأرفع ساقي كما أفعل دائما حتى لا أصاب بإغماءة
ولكن كيف سأهبط 50 متر حتى أصل للأرض
لا أعرف كيف وصلت .. لحق بي الأصدقاء
تمددت ورفعت ساقي لأعلى
كنت حائرا بين لقطة السماء والجبل الرائع ، وبين لقطة قدمي الدامية
أنا بأحب بساطة .. ليه بس يا رب ترتبط عندي بهذه الذكرى المؤلمة
جاءت الإسعافات الأولية ، وبدأت في تحويل الموضوع لسلسلة من النكات والإيفيهات
ستظل بساطة المفضلة .. وشريف الغمراوي عمدتها الحكيم
لا تقلق سرعان ما ستنسى
أنه ليس إلا جرح سطحي سيختفي أثره مع الأيام
12 comments:
سلامتك ألف سلامة ..كلنا بنخاف من منظر الدم بالرغم من أنه دايما جوانا و بيجري في عروقنا ... سبحان الله
حلو انك بتقدر تستمتع بالطبيعة حتي و انت مجروح ... سلامتك و أهه جرح سطحي خفيف يختفي بسرعة كويس أنها جت علي قد كده
Hello!
This work is very good. Thnak you!
I don`t speak Arabic. We can make words with letters and with words we can make sentences.
Thank you
انا ما بخفش من منظر الدم
ومش بتعور كتير
على فكرة انا عايزة اتعور
نفسي جدا
سلامتك
لانها فعلا بتروح مع الوقت
جميله جدا الرباعيه
ذكرى مؤلمة من جرح سطحي طوله 3 سم ؟
يا لهووي يا أحمد
مش قصدي أقلل من حجم ضيقك
أنا عارفة يعني إيه فوبيا
بس برضه
.....
لكن على العموم
لقطة حلوة قوي
وألف سلامة يا فندم
و انا صغيرة كانت ماما تقولي لما اقع
لمي الحمص
قوم اا بهطلي انسى الوقعة و اقعد ادور على الحمص
لميت الحمص و لا لا؟
سلامتك
ابقى تعالى
سلامتك ألف سلامة انا حاسة جدا بالمأساة لاني بيحصلي اكتر من كدا بمجرد ما اتجرح جرح صغير طوله 3 ملم في صباعي
مش هتصدق اني 3 اسابيع عيطت واخدت حبة مسكنة عشان صباعي
بس عمري ما فكرت امتى بدات الفوبيا دي معايا وان كانت فوبيا فعلا ولا دلع بنات زي ما ماما بتقول
مش هنسى اقولك ان الصور حلوة
وصورة الدم كمان رغم الالم
تحياتي
لا تقلق سرعان ما ستنسى أنه ليس إلا جرح سطحي سيختفي أثره مع الأيام
سلامات
كثيرا ما ياخذنا الحماس وننسى حتي الجروح
ممكن سؤال انتوا كنتوا فين منظر الجبل كان جميل ؟؟؟
تعيش وتاخد غيرها
أنا أيضا عندي فوبيا من رؤية الدم
وااااااااااوووو
آآآآآى
تعويرة فى بطن الرجل على الرملة و الميه المالحة ... جامدة دى , ساعة ما بتحصللى على البحر تعويرة زى دى ببقى مش طايق نفسى , مش بعرف أشوف الجرح وبخاف انضف الرملة لتدخل جوه الجرح .. بتبقى خيبة تقيلة
سلامات يا بو حميد
عارف تعاطف الالم اللى بيحصل بين الرجالة لما واحد فيهم يتضرب بالكورة بين رجليه و كل واحد فيهم بيحس بالألم .. نفس الحكاية حصلتلى لما شفت الجرح ده .. ثم انت جايبها من زاوية تصوير بنت كلب مافيهاش تفاهم
:))
كراكيب
الله يسلمك يا هاني
وفقا لقانون الطبيعة نجرح وننجرح
David Santos
thanx , u welcome
Sara
أنتي باين عليكي جامدة
بس بالراحة شوية :))ا
سلامتك من التعوير
أميرة
يا أميرة أنتي أتعودتي في شغلك على خبطات الأزميل ، ونقرشات المسامير
والله جد مش هزار
فوبيا بجد
بستوكاة طهقانة
لأ لميت الحمص :))ا
الحقيقة لميت الأوردر بس ربنا ستر وكنا خلصنا تصوير
هدى
ألف سلامة أنتي كمان
الصورة الجميلة بتؤرخ لكل حاجة حتى الجروح
توتة توتة
تقريبا قربت أنسى
ليال
قرية بساطة في جنوب سيناء على بعد أربعين كيلو متر من نويبع
نبيذ
أهو أنتي
ندا
ربنا يستر والفوبيا تقف عند مشكلة رؤية الدم ولا تمتد لأشياء أخرى
قطط أو أماكن عالية مثلا ؟؟
سولو
ربنا يخليك يا شريف
الجرح سخيف ، والصورة حلوة
ماأنا علشان كده بطلت ألعب كورة
سلامات
Post a Comment