Saturday, November 04, 2006

نصف حقيبة سفر


لم يبقى سوى ساعات قليلة على موعد الطائرة
ودعت الأصدقاء ، وانتهيت من كل الأوراق ، واحتضنت الأطفال
لم يتبقى أمامك سوى حقيبة السفر
أمامك الآن 30 دقيقة .. مازالت أمامك بعض الإتصالات الهامة
لا ..لا .. فلتجريها وأنت في طريقك للمطار .. لم يعد هناك وقت
عليك الآن أن تعد حقيبتك
وضعت ملابسك وسجائرك ومتعلقاتك الشخصية كيفما اتفق
الكتب .. الأوراق
ماذا سأحمل معي؟؟
العدد الثاني من مجلة أمكنة والتي يصدرها في الإسكندرية علاء خالد وسلوى رشاد
هناك عدد من المقالات والدراسات عن الصحراء أرغب في قراءتها
كتاب "ذكرياتي جماعة المسلمين " التكفير والهجرة" لعبد الرحمن أبو الخير ، وكتاب "المتأسلمون الآتون من عباءة الأخوان " لدكتور رفعت السعيد ، مازلت أحتاجهما أثناء مرحلة المونتاج رغم قراءتي لهما .
رواية ( بناية ماتيلدا ) للروائي اللبناني حسن داوود ، لم أنته من قراءتها بعد
فيلم تسجيلي لبناني ( بين ضفتين) لكاتيا جرجورة طلب مجيد أن يراه
سيناريو الفيلم (100% حي) ربما احتاج إليه لحين إصلاح اللاب توب المتعطل
يجب أن أغلق الحقيبة ، لم يعد هناك وقت .. الطريق إلى المطار قد يستغرق أكثر من ساعة
في المطار يأتيني صوتها عبر الهاتف .. فأشعر أنني أقف على أرض صلبة
أنام في الطائرة من شدة التعب ، وحينما أصل إلى مطار دبي لا أجد عبد الله
أبحث عن هاتفي الإماراتي لا أجده .. معقولة نسيته في مصر .. أتصل بعبد الله من هاتفي المصري ..أبحث عن الهاتف مرة أخرى فأجده في أحد الحقائب
أصل إلى البيت وأنا أشعر بالتعب الشديد ، أبحث عن رخصة القيادة الدولية .. لا أجدها .. ربما نسيتها في مصر .. شيت .. معقولة ؟؟!ا
تذكرت وقت الدراسة بمعهد السينما حينما احتاج كتاب فأكتشف أنه في الإسكندرية ، أحيانا كنت أضطر لشرائه مرة أخرى .. نصفك هنا ونصفك هناك .. لكن المسافة كانت أقل .. 220 كيلو فقط تفصل بين الهنا و الهناك
هكذا تجد نفسك دوما .. تحمل نصف ما تحتاجه .. بينما تترك نصف ما تحتاجه في مكان آخر .. تترك ذكريات وبسمات ودموع ، وكتب تريد قراءتها وأفلام تريد مشاهدتها .. أشياء ترغب في أصطحبها وتنساها ، أو قد لاتقوى على حملها خوفا من الوزن الزائد الذي تتحمله دائما .. وجوه وردود أفعال وأحلام تحملها في قلبك .. اطمئن لن يزنوه .. وكن واثقا أن الأفكار التي تحملها في رأسك لن يمسسوها
ولكن هكذا أنت
تحمل دوما نصف حقيبة سفر

22 comments:

layal said...

نصف حقيبه سفر
ترحال مستمر
كمن يعيش بنصف عقل هنا ونصف عقل هناك

حنيــــــن said...

احيانا ما يكون نص كل حاجه افضل من ال ولا حاجه التى يعيشها كثيرون

رغم كل التشتت الذى تعانيه بين النصين

الحياه بقت جميله وممتعه طول ما احنا مشغولين اوى كده
يمكن لو توقفنا شويه يبقى عندنا وقت نشوف حاجات هانتعب لو شفناها

خليها كده احسن

حمد الله على السلامه
:)

saso said...

دائما ما افعل ذلك وابتسم .. اشيائي الصغيرة وضعتها امام الباب كي لا انساها ستستقبلني حين اعود.. زينت بخدوش عده من قطتي الغاضبة لسفري
فكر..لو استطعت جمع اشيائك واوراقك وافلامك واغانيك في حقيبة سفرك.. هل حياتك صغيرة لهذا الحد؟
اشياء كثيرة عندي منها اثنان لذات السبب.. لكن واحده فقط منها لها لون وروح استعملها .. والاخري استعملها فقط لاتذكر بها الاولي
حمد لله علي السلامة

tota said...

العزيز
بين الترحال والعودة تنشأ الذكريات
وبينهم ايضا تنشأ الحيرة
ومن العودة الى الترحال مرة اخرى تنشأ الخبرات
هنيئا بالذكريات والخبرات وقد تبدو الحيرة احيانا ملاذا من الوحدة

تحياتى

M. El-Hajj said...

حاجة غريبة جداً بتحصل

كل أما أقرالك حاجة أبقي عايز أعلق أنسي و أجي أقرا تاني أفتكر أني علقت في معلقش و أقعد كدا لحد ما ينزل بوست جديد أقول ياااااااه دانا معلقتش عالقديم

سبحان الله في طبع البني أدمين

ربنا يرجعك بالسلامة يا أستاذي

:D

Ahmed Rashwan said...

ليال
نصف عقل لمكانين جغرافيا ، ربما يتجزأ إلى أكثر بكثير خارج نطاق الجغرافيا
حنين
ربما كان التنقل الكثير ممتع في البداية لكنه أصبح فيما بعد مرهقا
صدقيني لم يعوقني التنقل و الترحال عن ارصد و المتابعة الشديدة
ساسو
هل حياتك صغيرة لهذا الحد ؟ سؤال وجيه
لا أملك إجابته
توتا
مشرطك يا دكتورة دوما يلامس الجرح
ولكن هل تصلح الحيرة ملاذا للوحدة ؟؟ا
في انتظار أنا أرى مدونتك الشخصية ، يلا بقى بلاش تردد
زنجي
ولا يهمك يا زنجي ، ملحوقة
أنا كمان بيحصلي كده كتير مع جيرنيمو / موازييك ، والسبب أحيانا أنني أريد كتابة تدوينات موازية لنصوص لها ولكن ضغط العمل والوقت يكون عائق .. تحياتي يا مان

change destiny said...

رحلة طويلة ...

ممكن يكون قدرك تتشتت في البلاد عشان شنطتك و قلبك يتملوا ألوان . ألوان مكنتش حتعرفها لو مكنتش اتغربت
ضحكة جديدة و دمعة جديدة ...موسيقى و كتب و أفلام و ناس ...
حتديلك أكتر


تيجي بالسلامة يا باشا

3arousa 7alawa said...

ليك وحشه

مراكب ورق said...

نصفك هناك مع النصف الاخر من العالم الذي تعرفه وحدك ولا نعرفه نحن
ونصفك هنا في قلوبنا نحن من تحبهم ويحبونك ينتظرك ان تعود محمل بالحكاياوالاحلام والمشاريع والمشاعر والذكريات
اما عن الوزن الزائد فلا تعبأ به ابدا
يا صديقي
انت قوي كصخرة والعالم واسع كبحر
انت تملأ فراغ هذا العالم ( البحر )والعالم ( البحر ) ينحتك ليصنع منك حكاية مجيدة
يا صاحبي ما انت عارف ما فيش حكايات مجيدة من غير احداث جامدة
مش عارف اقولك اد اية وحشتني

Dananeer said...

زيك كنت من المعلقين بين مكانين
مقدرتش كل مره يترجع بتحس انك غريب
الدايره هنا لفت من غيرك
و اتعودوا على عدم وجودك
ترجع هناك
تحس براحه بس فى الاول بتغيير فى كل حاجه
عشان كده مستحملتش و اخترت مكان
لما بسيبه و ازو هناك او اى مكان تانى بابقى عارفه
انى راجعه
و ان وجودى فى اى مكان بعيد عنه وجود وقتى

Ahmed Rashwan said...

شنينج ديستني
كلمة يتشتت دي كبيرة قوي يا ندا
بس موافق أن الخبرات والضحكات والذكريات والأفلام والناس وحاجات كتير أديتهالي تجربةالغربة
اللول والمكس أمانة في رقبتك يا ندا

عروسة حلوة
وأنتي كمان ليكي وحشة يا عروسة ، إيه الغيبة الطويلة دي يا بنتي

إيكاروس
الصخرة أحيانا تفتتها أمواج البحر ، وإن تحلت بالصمود
وإنت كمان وحشتني يا كريم

دنانيير
وجودي أيضا خارج مصر وجود مؤقت ، لكن تكرار الوجود المؤقت يخلق نوع من إعادة التفكير فيما يحدث هنا وما يحدث هناك .. عملية التقسيم هذه قد تكون مفيدة إلى حينا ، لفكر ونتروى ، ولكنها أحيانا تؤثر سلبا على مشاعرنا

... said...

جميل أن تظل لك بقايا منك هنا وهناك
صدقنى احساس جميل ان تشعر انك ممتـــــــد

حمدالله على السلامة
بس انت رايح وللا جاى وللا ايه بالضبط

sarah la tulipe rose said...

ليس بالضرورة ان يسافر المرء لترك نصفه في مكان و النصف الاخر مكان اخر
نصفك مع من هو بعيدا عنك
و نصفم الاخر يؤدي وظائفه اليومية

توصل بالسلامة

مراكب ورق said...

يا أحمد طول ما أنت عايش أحلامك وبتجري وراها ما فيش بحر حيقدر عليك
عمرك شوفت بحر يقدر على الأحلام
الصمود الحقيقي أنك ما تبصش للحاجات دي وتكمل
كل سنة وانت مكمل

sOulvOice said...

بالسلامة يا احمد :)

كلبوزة لكن سمباتيك said...

كتبت بوست شبه ده و انا راجعة من الاجازة
نفس الاحساس و معضلة تحضير الشنطة
عندنا مشكلة ناخد اية و نسيب اية و احنا سايبين اهم شئ ناسنا و اهلنا و حبنا منقدرش ناخدهم معانا

الغريبة يا اخي
انت واخد معاك سجاير من مصر لدبي
هههههههههههههههه
انت كييف نشارة خشب و لا اية
دي دافيدوف فلة عندك
--
نحن في الغربة سوا

wanna b a bride said...

تروح و تيجي بالسلامه انشاء الله

ممكن تيجي مدونتي و تقوللي رأيك في القصص المكتوبة فيها ..

محتاجه رأي حد متخصص زيك

في انتظارك

محمد أبو زيد said...

الحياة نعيش نصفها ، والقصائد نكتب نصفها ، وقصص الحب نسقط في منتصفها ، والحكايات لا نكملها ، نهرب منها عند المنتصف ، نحن الذين لا نعرف كيف نكمل الحياة

so7ab said...

رشوان قليل اوى اللى بيعرف يعبر كده
وقليل اوى اللى بيعرف يخرج من احزانه وذكرياته كلام يخليك مستمتع وانت بتقراه
نصف حقيبه سفر لقلب كامل

ملحوظه اخيرا
انت هجرت السجاير الايت ولا ايه يا برنس

Ahmed Rashwan said...

حلم
أحيانا الإحساس بالإمتداد يكون إحساس إيجابي وأحيانا يتحول إلى عبء
حاليا موجود بدبي حتى منتصف ديسمبر تقريبا وسأعود للقاهرة إذا كان في العمر بقية

سارة زهرة التيوليب
وجهة نظرك تستحق التأمل

إيكاروس
مشفتش يا كريم بحر بيقدر على الأحلام بس شوفت بحر بينحت الصخر

سول فويس
الله يسلمك :)

كلبوزة
دافيدوف .. ليه بس يا كلبوزة الطبقية دي .. الظاهر الفلوس غيرتك :((

وانا برايد
قريت فعلا بعض الحكايات .. فيها حس ساخر جميل قوي ، ومتماسة مع الواقع المأساوي ، في أقرب فرصة سأتكمل قراءة الأرشيف .. وعد

محمد أبوزيد
قانون النصف أكثر التصاقا بالحياة
وأتساقا معها .. سيكمل الحكايات من يأتي بعدنا

صحاب
ده من ذوقك يا عم بسام يا أبو قلب كبير
في أزمة لايت في مصر دلوقتي ، بس ليلي مراد هي الأقرب في النكهة
مستني الواجب على الإيميل

Hapy said...

الكتاب صندوق محمل بالبشر و الاشباح و القلوب
ماذا ستحتاج غير ذلك
رفقة
نصح
وقلب

Ahmed Rashwan said...

سيظل الكتاب أبدا ودائما
مرفأ
حضن
صخرة
مبروك ديوانك ، ولكن كيف أستطيع الحصول عليه ؟؟ا