تدبيسة من سارة فوكاليز

التاج ده جالي من (سارة) فوكاليز ،ربنا يسامحك يا سارة .. ما علينا

إيه اللي حيحصل لإيميلك لما تموت ؟؟

حيتقفل طبعا ، بس على الله ميعملهاش وأنا لسه حي
أديت الباسورد بتاعك لحد قبل كده ؟؟؟
أتهيألي آه من فترة .. كان لحسام علوان
كانت علاقتك بيه إيه ؟؟
كان ولا يزال صديقي .. ربنا يفك غربته ))ا
أسمك ؟؟
أحمد رشوان
أسم الدلع ؟؟
رشوان )) وساعات راشمون أو روشو أو روشا والعديد من الأسماء المشتقة من رشوان :))ا
عمرك ؟؟

37

شهر طبعا مش سنة
برجك ؟؟
ناس بيقولوا ميزان .. وناس بيقولوا عقرب
مجالك ومجال دراستك ؟؟
السينما وصناعة الأفلام .. درست حقوق الأول ولما ربنا تاب عليا درست سينما
نوع شخصيتك ؟؟
أبيض ومنقط ببني
طبيعة مودك ؟؟
حار ممطر صيفا ومشمس بردان شتاءا .. أصل الغسالة .. قصدي الدفاية اللي اشتريتها مجال فاعليتها 3 سم ، يعني الحل أني أنام جواها
بتعمل إيه في وقت فراغك ؟؟
معنديش وقت فراغ .. بس لما بيكون عندي ممكن أعمل أي حاجة في أي وقت .. بس غالبا بأتفرج على أفلام وأقرا وباسافر وأخرج مع صحابي
الأكلة المفضلة
سي فوودز .. كل ما هو خارج من البحر
الصفات اللي اخدتها من بابا وماما
من بابا حاجات كتير منها النظام والعصبية والتدخين ، ومن ماما الله يرحمها فن الحكي ، عموما أنا من المؤمنين بقانون الوراثة

السفر بالنسبة لك

إعادة شحن البطارية لإستكمال الرحلة في بلد العجايب ،وإعادة لتقييم علاقتي بنفسي وبالآخرين وأنا خارج الدائرة في بقاع أخرى من الدنيا
أكتر 6 حاجات باحبها
السينما وصناعة الأفلام والبحروالنبيت الأحمر والصحرا وبهاء وفارس و(نووووووون)ا
أكتر 6 حاجات بأكرهها
التمييز بمختلف أشكاله وبخاصة التمييز الديني ، الأستهتار ، الأفلام السيئة ، الظلم ، الإدعاء
الشغل بالنسبة لك إيه
حياتي
الكومبيوتر والنت بالنسبة لك
إيدي ورجلي
أمرر التاج ل
كريم إيكاروس
بسام صحاب
يارا باب مردود
ندا (Change destiny )

توتا

علا من غزة