Monday, February 19, 2007

نصيحة






حينما ولد أبني الثاني فارس
رأيته للمرة الأولى وحملته بين يدي
طلب مني بعض الأصدقاء وإحدى الممرضات أن أؤذن في أذنه
وجدتني أقول له

ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل اسألـــــــــه
ما دافعش ليه عن نفسه يوم ما اندبح
عجبي

31 comments:

sara... said...

يا لهوىىىىىىىىى
انا قشعرت
جامده

أسوور said...

حلو قوى الكلام دة

صحيح ما دافعش عن نفسه ليه يوم ما اندبح

مبروك البيبى

محتاجة تيجى عندى فى مشكلة وعاوزة مشاركتك

layal said...

مبروك
وربنا يخليه ويتربي في عزك

Eve said...

جميل، والأجمل هو فارس. الله يخليلك ياه!

Solo said...

عشان يطلع فارس اسماً على مسمى
حلو التحريض دا لما ييجى فى أول لحظات
:)

4thH said...

يتربى في عزك يا احمد .. جميل

change destiny said...

:) قوية التدوينة دي قوي يا احمد

ربنا يخليك ليه و تشوفه فارس بجد

Ghada said...

من الآخر :))
ربنا يسعدك بيه ويعده بيك.. آمييين :)

Ghada said...

من الآخر :))
ربنا يسعدك بيه ويعده بيك.. آمييين :)

Ahmed Rashwan said...

سارة
وأنا كمان قشعرت

ياسمين
الله يبارك فيكي وإن كانت متأخرة شوية
تقريبا سنة و9 شهور
فارس من مواليد 8 مايو 2005
بالتأكيد سازور مدونتك ، تحت أمرك

ليال
أشكرك

إيف
ميرسي ، أنا كمان باحب الأسم ده قوي

سولو
ياريت يا شريف يطلع أسم على مسمى
على مدى قرابة العامين البدايات مباشرة

جار القمر
ميرسي يا هيثم
فارس إسكندراني برضه رغم أنه من مواليد القاهرة :))ا

شينج ديستني
حنحاول يا ست ندا
:((أكيد حيحتاج معسكر تدريبي


غادة
لازم من الآخر :))ا
أتمنى أن يتحقق الدعاء

علاء السادس عشر said...

بصراحة...شاطر يأحمد.
تعيش وتقوله كل يوم شعر
تحياتى

الكونتيسة الحافية said...

ولدي اليك بدل البالون ميت بالون
انفخ وطرقع فيه على كل لون
عساك تشوف بعينك مصير الرجال
المنفوخين في السترة والبنطلون
عجبي

يتربى في عزك

متغيرة شوية said...

ألف ألف مبروك على البيبي ..يتربى في عزك
بجد مش الأطفال دول حاجة مميزة جدا..ربنا يخليهولك

يا رب يفضل ابنك طول عمره شايف حريته
وياريت يبقى زمنه أحسن من زمنا

Reema said...

ماشاء الله عليه..ربنا يخليه ليك يارب
اسمه جميل وهو جميل

سلامي ليك

مراكب ورق said...

بكرة فتفوتة يكبر ويكتب شعر ويحب بنات ويخوض معارك ويكمل زى ما ابوه مكمل مش برضه تتفق معايا ان في الزمن ده معيار الفروسية مش انك تنتصر معيار الفروسية الحقيقية انك ما تتهزمش وتفضل مكمل
عشان كدة انا كتبت ليحى ( يا ولدى اباك الذي لم يعرف ابدا هزيمة لم يعرف ابدا انتصارا لم تنفعه امك ولا سجائره المفضلة ولا كل الاغانى الثورية )
بس مكمل وانت مكمل .. يا بخت فارس بابوه

مراكب ورق said...

بكرة فتفوتة يكبر ويكتب شعر ويحب بنات ويخوض معارك ويكمل زى ما ابوه مكمل مش برضه تتفق معايا ان في الزمن ده معيار الفروسية مش انك تنتصر معيار الفروسية الحقيقية انك ما تتهزمش وتفضل مكمل
عشان كدة انا كتبت ليحى ( يا ولدى اباك الذي لم يعرف ابدا هزيمة لم يعرف ابدا انتصارا لم تنفعه امك ولا سجائره المفضلة ولا كل الاغانى الثورية )
بس مكمل وانت مكمل .. يا بخت فارس بابوه

بنت الحياه said...

الله أكبر عليه :)
ربنا يحفظه ويباركلك فيه يا رب ..

Unknown said...

مبروووووووك

كده فيه بهاء وفارس
صح ولا أنا غلطانة ؟
.....
ربنا يخليهوملك يااااااااا رب

Ahmed Rashwan said...

علاء السادس عشر
أشعار وصور لهم ولنا

الكونتيسة الحافية
عم صلاح في جعبته الكثير يا ليليان
دايما بيجيلنا ،أو بيبعت رسايل


متغيرة شوية
الله يبارك فيكي ، بس برضه متأخرة شوية :))ا
زمنه أحسن من زمنا ، ياريت بس فين الحاجات اللي بتقول أن ده حيحصل ؟


ريما
ميرسي ، الأسماء الجميلة يزداد جمالها بشخصيات أصحابها
أتمنى أن يكون فارس و أخيه بهاء أسماء على مسمى

فوءة
الله يبارك فيكي ، بس كان أتهيألي لازم أقول أن الموقف ده حصل من حولي سنة وعشر شهور ، وأن الواد كبر خلاص وبقى طيار:))ا


إيكاروس
إن إحنا نكمل مبقاش اختيار يا كريم دي بقت حتمية درامية :))ا
ويا بخت راشمون ببهاء وفارس وكريم وكل صحابه

بنت الحياة
ربنا يخليكي


أميرة
الله يبارك فيكي
آه فيه بهاء 6 سنين وفارس حصله بعد أربع سنوات تقريبا

Radwa said...

جميله بس دا حقيقه فعلا انك عملت كده

ياريتك كنت ادنت قبل ما تقول الكلام دا

Hannoda said...

مبروووك ع البيبي

ربنا يخليهولك

عجبني كلامك قوي على فكرة :))

White Wings said...

الله يخليه لك ويزرع نصيحتك في قلبه وعقله
ما في أحلى من الاطفال ورائحة البودر مخلوطة بعرقهم في رقبتهم الرقيقة
يحميلك اياه يا رب

... said...

مبروووووك
ربنا يفرحك بيه

كلام جاهين جميل طبعا
بس قلته بعد ما أذنت فى ودنه؟

مجهول said...

ربنا يخلهولك
شكلي وشي حلو
اول زياره
وبقيت اب لتاني مره
ابسط يا عم
عايز كام عيل
قصدي عايزني ازورك امتي تاني
مبروك يا بحر الف مبروك
ويتربي في عزك يا سيدي
لك و لصغيرك تحياتي
وعقبال ما يبقا مدون

أسوور said...

ليه ما فيش بوستات جديدة

Anonymous said...

جامدة جدا أنا فكرت في الموضوع و ساعتها هاقول زي ما قال الشيخ عبد ربه التائه

أقرب ما يكون الإنسان إلى ربه وهو يمارس حريته بالحق

و مبروك و يتربى في عزك

sara... said...

بس بمسي


صباح الخير

Dananeer said...

مبروووك
ربنا يخليلك فارس احلامك

Dananeer said...

انا من المسطولين المستعجلين على طول
و بالتالى لسه واخده بالى

خلاص مستنين نشوفه فى عيد ميلاده

saso said...

:)
ما شاء الله يارب يطلع فارس بجد وميخافش زي ماقلتلة في ودنة

بداها بكلام جاهين ، يبقي هيطلع فنان
تعرف ..فارس رشوان اسم اصلا فني ويشد
ربنا يخليه ليك هو واخوة والبيبيهات اللي جايين

Lasto-adri *Blue* said...

الف مبروك ياأحمد
يتربى فى عزك

انا اول مرة اعرف ان عندك ولاد اصلا
:)