21يونيو
مرت 5 سنوات على رحيل السندريلا
لا أملك سوى أن أهدي إليها وإليكم في ذكراها بعض الكلمات كتبها صلاح جاهين
يقيني لن تنسينا السنين أخت القمر
***
ليه يا حبيبتي ما بينا دايما سفر
دا البعد ذنب كبير لا يغتفر
ليه يا حبيبتي ما بينا دايما بحور
أعدي بحر ألاقي غيره أتحفر
عجبي
******
الريح تباريح جريح ما ينتهيله آنين
حسن قتيل من سنين ونعيمه في المجانين
على كل ملقف هوا تستنى تستنى
يجيلها صوت كل موت ويئن له أنه
والحب له ناس في جنة وناس غلبانين
مقطع من قصيدة (أهل الهوى ) لصلاح جاهين
*****
ورا كل باب ألف عين مفتوحين
وأنا وأنتي ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبي
وأنا وأنتي ماشيين يا غرامي الحزين
لو التصقنا نموت بضربة حجر
ولو افترقنا نموت متحسرينعجبي
12 comments:
تحية لروح سعاد
سندريلا القلوب
سندريلا الشاشة
سندريلا عقلي وروحي وقلبي
أهيه دي بقى اللي لا جه ولا هييجي زيها
الواحد فاكر العياط اللي عيطه يوم جنازتها..
..الله يرحمها
اللهم اغفر لها
جميل أنك تذكرتها.. هي حلم لزمن لم أعشه ولكني أسمع وأقرأ عنه.. وأستحضره من خلال لحظات سينمائية
نسختي عن سعاد:
أخت القمر
عجبتنى اختياراتك فى رباعيات جاهين
تحياتى
الله يرحمها الست دي خام أنوثة البنت اللي أتنحتت منها بقية البنات و أقدر ممثلة عرفتها السينما المصرية في تاريخها من وجهة نظري أنا متعصب بشدة لسعاد حسني
أرجع بقى
أطبع على جبين اللي مات بوسة
إزاي هارون هيكون نبي
لوماتوجعش في غربته موسى
موسى رجع
أرجع بقى
( شعر محمد حسني )
Thank you for the nice post and pictures. I also like Soad and her films. I get to see them when I go to Egypt.
رغم زحمة الدنيا والتفاصيل الا انى لسه حاسس انها جوايا و مبتروحش بالنسيان ....وحشتينى اوى يا سعاد وفعلا مبينا دايما سفر
رحم اللة تلك الفنانة الرائعة التي كانت كالنسمة الشقية
هناك ظواهر لاتكرر, ولو بعد ملاييين السنين
سعاد حسني كانت ظاهرة, ولها نكهتها الخاصة
الله يرحمها
i love her ,, allah yr7amha ..
she was the best
Post a Comment